2018, ജൂലൈ 29, ഞായറാഴ്‌ച

നിനക്ക്

ഇനിയും എഴുതാൻ ബാക്കിയായ എത്രയോ ചിന്തകൾ നിനക്ക് വേണ്ടി മാത്രം എഴുതാതെ ബാക്കി വെച്ചിരിക്കുന്നു 

2018, ജൂലൈ 26, വ്യാഴാഴ്‌ച

ഭ്രാന്ത്

എന്റെയീ ഭ്രാന്ത് എന്നെ വിട്ടു പോകുന്ന ദിവസം .....ആരൊക്കെയോ ചേർന്ന് കത്തിച്ചു വെച്ച ഒരുപാടു ചന്ദനത്തിരികളുടെ സുഗന്ധം എന്റെ ശരീരത്തിനു ചുറ്റുമുണ്ടാവും 

2018, മാർച്ച് 20, ചൊവ്വാഴ്ച

സിംഹം

ഒരിക്കൽ ഒരു സിംഹം അതിന്റെ ഇണയെ അത്രമേൽ പ്രണയാർദ്രമായി ഒന്ന് കടിച്ചു ......
ഇന്നും ആ മുറിവിൽ നിന്നും ചോര വാർന്ന് തീർന്നില്ല ...
അവൾ മരിക്കുന്നുമില്ല ...
വേദന ഒട്ടും കുറയുന്നുമില്ല ....
സിംഹം ആവർത്തിക്കുന്നു ..നീയെന്നെ പ്രണയിക്കുന്നില്ല .....

കഥ തീർന്നു 

2017, നവംബർ 18, ശനിയാഴ്‌ച

പ്രണയമേ

എത്ര ബുദ്ധിമാനാണ് നീ പ്രണയമേ ...വർഷങ്ങൾക്കു ശേഷം ഒരു മൂളലിൽ നിന്നു പോലും  നീയെന്നെ തിരിച്ചറിഞ്ഞിരിക്കുന്നു 

2017, ഒക്‌ടോബർ 13, വെള്ളിയാഴ്‌ച

നീ പോയി

നീ പോയി കഴിഞ്ഞു ..പറയാൻ ഉള്ളത് പറഞ്ഞു തീർത്തും ...ബാക്കി വന്ന നൊമ്പരം എന്ന് നീ പേരിട്ടു വിളിച്ച വികാരമെല്ലാം എന്റെ മേൽ വർഷിച്ചു ആത്മസംതൃപ്തി നേടി നീ പോയി കഴിഞ്ഞു ....

വീണ്ടും ഞാൻ കബളിപ്പിക്കപ്പെട്ടു ....അന്നത്തെ പോലെ തന്നെ നിനക്ക് ന്യായം കണ്ടെത്താം ....

2017, ജൂലൈ 18, ചൊവ്വാഴ്ച

പ്രതികാരം

പ്രതികാരം എന്നതാണെങ്കില്‍ നീ സ്വയം നോവിക്കുന്നതാണ് നല്ലത്....
നീയിപ്പോ എന്നെ വേദനിപ്പിക്കുന്ന വാക്കുകളെക്കാള്‍ മുറിഞ്ഞ  കാലം പിന്നിട്ടു കഴിഞ്ഞു 

2017, ഫെബ്രുവരി 25, ശനിയാഴ്‌ച

എന്തിന്?

നീയെന്തിനാണ് എന്റെ ചിന്തകളിൽ  മഞ്ഞു കോരിയിട്ട് എന്റെ അക്ഷരങ്ങളെ കട്ടെടുത്ത് കടന്നു കളഞ്ഞത് ?